حمص بالطحينة

حمص بالطحينة

\\\\\\\\\\\\\\\

المكونات

\\\\\\\\

2 كوب حمص مسلوق

3 ملاعق كبيرة طحينة

ليمون

ملح وفلفل حسب الرغبة

زيت زيتون

بقدونس مفروم للتزين

\\\\\\\\\\\\\\\\\\\\

التحضير

نضع زيت الزيتون والحمص فى الخلاط حتى يختلط الخليط جيدا

ثم نضع الطحينة والملح والليمون والفلفل الاسود ونمزج الخليط جيدا

نضع كمية بسيطة من ماء سلق الحمص حتى نحصل على خليط متجانس

نضع الخليط فى صحن التقديم ونزينة بالبقدونس

بالهنا والشفا

حفظ الخضوات والفاكهة فى الفريزر

نا بجيب الطماطم مستوية وبعدين اضربها فى الخلاط واصفيها بصفايه .. وبعدين احط لكل كيلو طماطم تلات ملاعق سمن واسيبها لحد ماتنشف مايتها خالص وبعدين احطها فى اكياس وكل كيس على قد الاكلة..

ثانيا الثوم:أنا بشترى الثوم فى شهر مايو لان سعره بيكون رخيص وكمان بيكون مش جديد فيبقى تقشيره صعب ولا قديم فيبقى فاضى ....
بجيب الثوم واقشره واحطه فى الخلاط واحط معاه لكل كيلو ثوم اتنين ملعقة كبيرة زيت ونص ملعقة ملح... واضربهم لحد مايبقى ناعم... واحط معظم الكمية فى برطمان زجاجى (والزيت عشان لون الثوم مايتغيرش وكمان يحتفظ بالنكهة بتاعته.. اما الملح عشان مايجمدش فى الفريزر واعرف اخد منه بالمعلقة بطريقة سهلة).... اما باقى الكمية باحط معاهم فى الخلاط فلفل اخضر وكسبرة خضرة وكمون كتير وبضربهم مرة تانية لحد ما المكونات تنعم وبحطهم فى برطمان تانى عشان تتبيل السمك وطواجن الجمبرى والكاليمارى.. وتتبيلة البدنجان المخلل وحاجات كتير.......وبيقعد عندى من السنة للسنة اللى بعدها....


ثالثا البسلة:بجيب البسلة واخرج حبوب البسلة من قشرتها واحطها فى كيس مع جزر مقطع مكعبات صغيرة ... وبس


رابعا الفاصوليا:بقطع طرفى الفاصوليا وبعدين اقطع الفاصوليا الى قطع متوسطة وبعدين اكون حاطة على النار حلة فيها ماء مغلى وملح واسقط الفاصوليا لمدة دقيقة بعد ما اشيل الحلة من على النار واصفيها فى مصفاة وبعد متتصفى خالص اكون مجهزة طبق فيه ماءوثلج كتير واحط المصفاه بالفاصوليا في الماء المثلج لمدة ثوانى حتى تحتفظ بلونها اخضر زاهى ..... واصفى الفاصوليا مرة اخرى واعبيها فى اكياس على حسب الأكلة..


خامسا الخضرة:بالنسبة للبقدونس والكسبرة والشبت بغسلهم كويس اوى وانقعهم بعد كده فى ماء مضاف ليه معلقة خل وبعدين افرمهم ناعم اوى بمخرطة الملوخية وواصفيهم لمدة ساعتين على قطعة قماش وبعدين احطهم فى كيس وكل ما احتاج شويه اخدهم من الكيس على طول..وباستخدمه لخلطة المحشى والممبار والفول بالتقلية وساعات لما بيكون عندى عزومة بافرشهم تحت الاكل فى الطبق وارشهم على الطبق ...

سادسا البطاطس المقلية:باقشر البطاطس واغسلها بعد ماأقشرها بس... وبعدين اأقطعا صوابع متوسطة وطويلة.. وانقعها فى ماء ساخن وملح وخل وملعقة سكر..(لكل كيلو بطاطس 1لتر ماء ساخن و3ملعقة ملح صغيرة وربع كوب خل وملعقة سكر) واتركها فى الماء منقوعة لحدمايبرد (مش اوى )يكون دافئ واحمرها فى زيت غزير وساخن جدا واقلبها باستمرار لكن بعد ما تاخد اللون الاصفر الفاتح.. واقلبها لحد لونها ما يبقى دهبى فاتح وأنشلها على ورق ماص للزيت واسيبها لحد ماتبرد وبعدين احطها فى علبة بلاستيك فى الفريزر... واخرجها فى اى وقت على الطاسة اللى فيها زيت ساخن جدا على طول من الفريزر(عشان درجة برودة البطاطس هتقلل درجة حرارة الزيت فلازم يكون الزيت سخن اوى اوى)


سابعا ورق العنب:باقوم برص ورق العنب واحدة عكس واحدة... يعنى امسك الورقة من العنقود واحطها فى اتجاه معين والورقة اللى بعدها اخلى العنقود فى الجهة الاخرى .......واشيلهم فى اكياس فى الفريزر ولما باطلع الكيس باسلق ورق العنب وهو متجمد..


ثامنا الباميه:باقمع البامية وأغليها لمدة تلات دقائق فى مية مغلية على النارواطلعها من المية المغلية على مياة فيها مثلجة(فيها تلج)واصفيها كويس من المية واشيلها فى اكياس ولما باستخدمها بحطها وهى متجمدة مش بسيبها تفك عشان لونها يبقى حلو مش غامق..


رقم 2 الفاكهة
اولا المشمش:المشمش دة فاكهتى المفضلة هو والخوخ فبحب دايما" تكون موجودة عندى طول السنة....... بجيب المشمش واقطعه واشيل النوى.. وبعدين اغسله كويس واصفيه لمده 3ساعات.. واحطه فى حلة اكون سيباها على النار دقايق عشان اتأكد ان مافيهاش اى مياة(وفى تخزين المشمش او الخوخ او كل انواع المربات لازم نعمل كدة وكمان نتأكد ان كل الادوات اللى بنستعملها كمان جافة مافيهاش مياة خاااالص).. وبعدين احط لكل كيلو مشمش 2 كوب سكرواسيبهم على نار متوسطة لمدة ساعة مع التقليب المستمربملعقة معدن تكون جافة..ولازم كل شوية نشيل الريم(وده سببه المياه اللى فى الادوات المستخدة مع الرواسب الموجودة فى السكر عشان كدة استخدمى دايما سكر خشن مش ناعم لان كل السكر مابيكون ذرته ناعمة بيكون فيه شوائب اكتر)وبمصفاة صغيرة جدا احط فيها تلات ملاعق نشا وارشها على المشمش مع التقليب المستمر والا هانلاقى تكتلات.. وبعد ماتبرد شوية احطهم فى الخلاط لحد ماتبقى زى البيورية وبعدين اصفيها وبعدين احط المشمش فى اكياس على حسب الاستخدام... وبحط شوية منه فى برطمان وباخد منه بالمعلقة بعد مايتجمد للأستخدام السريع.. مع كل كوب ماء ملعقة كبيرة واقلبها لحد ماتدوب واعمل منه كوب واحد ..ودة بيكون طعمة ولا قمر الدين الجاهز وبعمل منه كمان المشمشية او مهلبية المشمش بعد ما اخففه بمياة بس واحطله نشا...

ثانيا الخوخ:زى المشمش نوعا ما.. بحط الخوخ بالنوى وبعدين اغسله مش مهم تصفيه..واحطه فى حلة واحط لكل كيلو خوخ 2كوب سكر+2كوب ماء واسيبهم على نار متوسطة لمدة ساعة وبعدين استنى لما يبرد شوية واقشره واقطعه أنصاف بالسكينة واشيل النوى..باخد الجزء الجامد شوية وارصه فى اى برطمان واضيف عليه شويه من العسل اللى غليته فيه وده بيكون كمبوت خوخ.. والباق واضربهم فى الخلاط مع شويه من العسل واشيلهم فى اكياس حسب احتياجاتك..وباقى العسل باشيله فى اكياس صغيرةبعد ما أصفيه وبيكون لونه وردى وباعمل منه جيلى خوخ بعد ما اضيف له كوب ماء ساخن مذوب فيه 3ملاعق صغيرة جيلاتين... وبيكون تحفة
ثالثا المانجو:المانجة باشيلها زى ماهيا بقشرها كل أتنين فى كيس وباقشرها بمقشرة البطاطس لما باخرجها من الفريزر على طول وانا ماسكاها بفوطة.. وساعتها اقدر اقطعها مكعبات او اعملها عصير.. وبس كدة

رابعا الفراولة:باقطع الجزء الاخضر واحط عليها سكر واشيلها فى اكياس بالسكر بتاعها ولما اخرجا اضربها فى الخلاط واعملها عصير أو صوص فراولة فى اى وقت


خامسا الموز:لكل كيلو موز ربع كوب لبن و2 ملعق سكر واضربه فى الخلاط هايبقى عندك جرانيتا موز تحفة ... باخد منها بالمعلقة واعمل عصير موز باللبن او بحطها على فروت سلاط بدل الأيس كريم وبحطها كمان على الكيكة وهية لسه طالعة من الفرن (ساخن مع بارد) بس مش هاقدر اوصفهالكو يميي موت..


سادسا الجوافة:باقطعها شرايح واحط عليها سكر واشيلها فى الفريرز فى اكياس حسب الحاجة...


سابعا البلح الرطب (الاسمر):باشيله فى برطمان بعد ما أشيل النوى وأقسمه نصفين.. باحطه بالطول جنب بعض وده بيسهل انى اخد منه من غير مايتقطم .. وعلى فكرة مش بيتجمد أبدا" .. وبعمل منه تارت البلح وكيكة البلح فى اى وقت فى السنة... ]

ثامنا الرومان:بافصص الرومان واخرج الحب واحط عليه سكر واشيلة فى اكياس ... ومش بيتجمد برضه.. وباستخدمه فى الفروت سلاط وسلاطة الرومان وتارت الفواكه وكزينة لكثير من الحلويات والايس كريم.. وكمان بعمله عصير واصفيه ..

تاسعا العنب: باشترى العنب اللى حباته كبيرة سواء كان أحمر أو أخضر.. وباشيله فى اكيس بعد ما بأفرط العنب من العنقود واغسله.. وباخد كمية منه واسيبها يومين على صينية كبيرة مفروشة بورق ابيض وعلى الورق فوطة قماش .. وبعدين اجيب حلة واحط فيها ماء مغلى وزيت لوز (لكل لتر ماء ملعقة زيت لوز صغيرة) ونضع فيها العنب بعد ان أصبح ذابلا" لمدة ثلاث دقائق وبعدين باصفى العنب وبعدين باحطه مرة تانية على نفس الصينية وباسيبها فى مكان مشمس اوى لمدة عشرة ايام وكل يوم باقلبه.. هايبقى عندك زبيب بيتى .. انا باعملة لو كان العنب اللى عندى بقى ذابل او كان مش حلو اوى...


عاشرا" الليمون والبرتقال البلدى:الاتنين باعملهم بنفس الطريقة... الاول بابشر قشر الليمون اوالبرتقال بمشرة صغيرة اوى.. ماتبشريش الجزء الابيض... وباحتفظ بيهم فى علب تلاجة صغيرة اوى او برطمانات صغيرة لانى باعمل كميه كبيرة جدا..وبعدين باقسم الليمون والبرتقال اللى بشرت قشرتهم نصفين وباعصرهم كويس وباحطهم فى علب مكعبات التلج ... وباعملهم مكعبات ليمن وبرتقال.. وكل مكعب على قد كوب العصير لو قلبناه كويس مع ماء وسكر... او كميه مكعبات فى الخلاط مع مياة وسكر.......وكمان مكعبات الليمون باتبل بيها الفرخ والبفتيك مع باقى المكونات طبعا.. وباعمل منها كل حاجة.. الشربات بتاع الحلويات.. وباغلى مع مكعب ليمون شوية مياه فى اى حلة المونيوم يكون لونها بقى غامق... وحاجات تانية كتير .. يعنى انتى ومزاجك..

المندى

بصلة متوسطة الحجم

نصف ملعقة فلفل اسود
نصف ملعقة زعفران منقوع في نصف فنجان ماء
نصف كأس زيت

قطعة متوسطة من الفحم

الطريقة :

اغسلي اللحم وقطعيه إلى قطع كبيرة ثم صفيه من الماء تماماً
ضعي اللحم في القدر وارفعيه على نار هادئة حتى ينشف ماتم به من الماء مع ملاحظة تغطية القدر
اضيفي إليه البصلة بعد تقشيرها و8 كأسات ماء ساخن واتركيه على النار لمدة نصف ساعة ثم أضيفي الهيل والملح اللازم واتركيه على النار حتى يكمل نضجه
اغسلي الرز واتركيه حتى ينقع لمدة نصف ساعة
عندما ينضج اللحم انشليه من المرق وصفي المرق بصافية سلك وأعيديه إلى القدر
اخلطي الفلفل الأسود مع نصف كمية الزعفران وملعقة طعام زيت وقليل من الملح وتبلي بها اللحم ولفيه في ورق قصدير وأدخليه الفرن لمدة ربع ساعة حتى يتحمر
صفي الأرز من ماء النقع وضعيه في مرق اللحم المغلي سابقاً واتركيه حتى ينضج ويشرب ماؤه
اعملي حفرة في وسط الرز وصبي الزعفران فيه وغطيه بالرز
اشعلي قطعة الفحم حتى تصبح جمراً
اعملي حفرة في الرز وخذي قطعة من القصدير لتضعي بها الفحم المشتعل وصبي على الفحم الزيت وغطي القدر بسرعة
اتركي القدر على النار لمدة عشر دقائق حتى يتسكر الرز
اغرفي الرز في صحن التقديم وضعي اللحم عليه 2 كيلو لحم بعظمة مقطع 6 كأسات ارز 5 حبات هيل

وبالهناء والعافيه

....





مندي الدجاج

المقادير

2 كوب رز - 2ملعقة كبير زيت - 1حبة متوسطة بصل مفروم ناعم - نصف عود دارسين ( قرفة) - 6-8 حبة قرنفل - 6-8 حبة هيل - 1ونصف ملعقه صغيرة ملح - 2 حبة متوسطه طماطم مفرومه ناعم - قرن فلفل اخضر حار - 3 ونصف كوب مرق

تتبيلة الدجاج

1 كيلو دجاج - 1ملعقه صغيرة ملح - نصف ملعقه صغيره هيل مطحون - 1ملعقه صغيره بهار مشكل - نصف ملعقه صغيره قرفه مطحونه - 1ملعقه صغيره كركم - ربع ملعقه صغيره فلفل اسود - نصف ملعقه صغيره لومي مطحون - 2-3 ملعقه كبيره عصير ليمون - 2 ملعقه كبيره زيت




في قدر متوسط الحجم سخن الزيت واضيف البصل وقلب على نار متوسطه الى ان يصبح ذهبي اللون



ابعدي القدر عن النار واضيقي اعواد الدارسين والقرنفل والهيل والملح والطماطم وقلبي لتتوزع المحتويات مع بعضها



صفي الأرز من الماء واضيفيه الى القدر وقلبي بحذر الى ان تتوزع المكونات جيدا


ضعي الأرز في طبق الفرن وقطعي قرون الفلفل طوليا وانزعي البذور وضعي القرون على سطح الأرز ثم صبي المرق فوق الأرز



غطي الطبق بطبقة الألمونيوم وباستعمال طرف السكين اعملي 5-6 شقوق في ورق الألمونيوم


ضعي قطع الدجاج في طبق واضيقي الملح والهيل والبهارات والقرفه والكركم والفلفل واللومي وعصير الليمون والزيت ووزعيها على الدجاج


رصي قطع الدجاج المبهره فوق طبقة الألمونيوم التي عملت فيهاالشقوق سابقا



خذي طبقتين من الألمونيوم ثم غطي الدجاج مع احكام التغطيه على الجوانبوادخلي الطبق في الفرن لمدة 60 - 70 دقيقه


يقدم وبالهناء والعافيه

سمك مشوى بالبطاطس

سمكه متوسط الحجم

ثمره بصل كبيره

5 فص ثوم

2 ورق غار

1 ثمره ليمون كبيره

1 كوب كزبره خضراء مفرومه

نصف م-ص فلفل أبيض

1 م-ص ملح

3 م-ك زيت زيتون

6 ثمره بطاطس صغيره

2 م-ص شطه مجروشه

2 قرن فلفل حار أو بارد

طريقة التحضير

- يتم شق السمكه عميقا حتي يتمكن حشوها

- و من ثم ترش السمكه بالملح من الخارج و الداخل و تترك جانبا

- ثم يقطع الثوم و الليمون و البصل و الفلفل الي شرائح

- و من ثم توضع السمكه علي ورق الومنيوم و تحشي بالبصل و الكزبره و الليمون و الفلفل الابيض و الشطة و ورق الغار و قطع

البطاطس

- ثم يرش علي السمكة قليل من زيت الزيتون و يرص قليل من شرائح الليمون و تغلف السمكه بورق الالومنيوم

- تجهز صينيه و توضع السمكه المغلفه بها و قليل من شرائح الليمون و 1 كوب ماء

- و تدخل صينية السمك المشوي بالبطاطس الي فرن متوسط الحراره و تترك لمده 1 ساعه او حتي النضج

- و يقدم السمك المشوي بالبطاطس في طبق التقديم و تزين بقليل من الكزبره و الليمون